பகுதி 6 குங் ப்ஹு தமிழன்


பல்லவ அரச குருவின் முகத்தில் வியர்வை முத்துக்கள் துளிர்த்தன. வீரனின் விழிகளை பார்த்தார்.
விழியோடு விழி பார்க்க முடியாமல் தலை கவிழ்ந்தார். மோர் குவளையை கீழே வைத்தார்.

வெயில் மிக மோசமாகவே அடித்துகொண்டிருந்தது. நிழல் கொண்ட இந்த இடத்தில் நிற்பதில் பிரச்சனையோ? பல்லவ அரச குரு குழப்பத்தில் ஆழ்ந்தார்.

கொஞ்சமாய் தலையை தூக்கி வீரனை பார்த்தார்.
“முதலில் அவர் மோர் குடிக்கட்டும் ” – பாட்டி சொன்னாள்.

வீரன் திண்ணையில் பல்லவ அரச குரு வைத்த மோரை எடுத்து கொடுத்தான்.
அரச குரு வாங்கிக்கொண்டார்.

“குடியுங்கள்” – வீரன் சொன்னான்.
அரச குரு தொண்டையை நனைத்தார். எல்லாம் ஈசன் செயல்.

வீரனை பார்த்தார்.
“வீரனே! நீ யார் ?” -அரச குரு கேட்டார்.
“அட! என் பேராண்டிதான் உங்க ஊருக்கு வந்திருக்கான் இல்லையா? இவன்தான் நல்லசிவன் – தூதுவன்” – பாட்டி சொன்னாள்.
“ஒ ….” – அரச குரு சொன்னார்.
“மோர் இன்னம் மீதி இருக்கிறது. குடியுங்கள்” – வீரன் சொன்னான்
“ம்ம்”

அரச குரு மோர் குடித்து முடித்தார். சூரியன் பளிச்சென்று அடித்து கொண்டிருந்தது. அது சோழ நாட்டில் ஒரு வெயில் காலம்.
“நான் அரசரை சந்திக்க வேண்டும்” – பல்லவ அரச குரு வீரனின் முகம் பார்த்து சொன்னார்.
“சோழ பேரரசரை ?” – வீரன் கேட்டான்
“ஆம்” – பல்லவ அரச குரு சொன்னார்.
“என்ன செய்தி ?” – வீரன் கேட்டான்

பல்லவ அரச குரு தயங்கினார்.
“பாட்டி உள்ளே போ” – வீரன் கட்டளை இட்டான்

“அட! அரசாங்க விவகாரமா ? நான் என்ன யார் கிட்டயும் சொல்லவா போறேன்?. நாளைக்கு வர்ற பொண்டாட்டிய அதடுரியானு பாக்குறேன்”
கழுத்தை வெட்டிக்கொண்டு பட்டி உள்ளே போனாள்.

வீரனும் அரச குருவும் திண்ணையில் அமர்ந்தனர். சூரியன் உச்சிக்கு வந்திருந்தான்.
“நீண்ட தூர பயணமோ ?” – வீரன் கேட்டான்
“ஆமாம்”
“நீங்கள் அமர இங்கே பட்டு பீதாம்பரங்கள் இல்லை”
“அதனால் என்ன ?”
“சரி அரசரை சந்திக்க வேண்டிய அவசியம்”
“ஈசன்”
“அட! புரிகிற மாதிரி சொல்லுங்கள். நான் சாமானியன். சமய சொற்பொழிவு கேட்க இங்கே இல்லை” – வீரன் சொன்னான்.
“பல்லவ மண்ணில் நாங்கள் ஒரு நெருக்கடியை எதிர் நோக்குகிரோமோ என்று நினைக்கிறேன்” – அரச குரு சொன்னார்.
“நாங்கள் என்றால் ?” – வீரன் கேட்டான்.
“அதாவது … அதை நான் மன்னரிடம் விளக்குகிறேன்.”
“எல்லோரையும் மன்னர் சந்திக்க மாட்டார். அவருக்கு நிறைய வேலை இருக்கு. என்னிடம் சொல்லுங்கள். நான் அலுவலர்களிடம் சொல்கிறேன். பின்னர் அமைச்சர். பின்னர் அரசர் தேவை பட்டால்”
“அவளவு நேரம் இல்லை”
“வாழ்க்கையே கொஞ்ச நேரம்தானே. அந்த நேரத்திற்குள் எல்லாம் முடிந்துவிடும்”
“என்ன சொல்கிறாய் ?”
“ஆதாவது உங்களை போன்றவர்கள்தானே வாழ்வது சில காலம் அதில் வீழ்வோம் சிவன் காலில் என்று சொல்வீர்கள்”
“இது …”
“சரி நாளை அரசு வெளி உருவு அலுவலரை சிந்திப்போம்” – வீரன் எழுந்து உள்ளே கிளம்பினான்.
“நாங்கள் மிக பெரிய பிரச்சனையில் … உள்ளோம் …” -அரச குரு அவனிடம் கத்தினார்.
“உள்ளே வாருங்கள். வந்து ஓய்வு எடுங்கள்” -என்றான் உள்ளே இருந்தபடியே வீரன்.
“நாங்கள் மிக பெரிய நெருக்கடியில் ….” – அரச குரு பேச ஆரம்பித்தார்.
“பல்லவர்களுக்கு நெருக்கடி ?”

தொடரும்

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s